Omi
A kìí bómi ṣọ̀tá - ó ṣèwọ̀.
Ṣé omi làbùwẹ̀, òun làbùmu.
Jíjí tí mo jí ní kùtù-kùtù,
omi ni mo fi bọ́jú, òun ni mo fi fọnu.
Mo tọ orílẹ̀ yìí dé ìpẹ̀kun àríwá mo kan agbami
òkun àwòyó ni ń bẹ ní gúsù.
Njẹ́ orí rẹ làá tí tu'pọ́n
inú rẹ ni tọmọdé tàgbà ti ń játùbú.
Kòṣémánìí ni ọ́ omi
Ìwọ gan-an ni kòríkòsùn àrin òru
Orí rẹ ni Olódùmarè tẹ́ ilé-ayé lé
Ẹni fojú di ọ́, olúwarẹ̀ kàbùkù.
Ṣé ìwọ lọ̀ ń bẹ nínú ìtọ̀, ìwọ lọ̀ ń bẹ nínú itọ́
ìwọ ni omijé ti inú ẹyinjú
Orí mi má mà jẹ́ n pàdánù omi
Kòsí oun tí ń gbani lọ́wọ́ omi àfi ikú.
Ṣé omi làbùwẹ̀, òun làbùmu.
Jíjí tí mo jí ní kùtù-kùtù,
omi ni mo fi bọ́jú, òun ni mo fi fọnu.
Mo tọ orílẹ̀ yìí dé ìpẹ̀kun àríwá mo kan agbami
òkun àwòyó ni ń bẹ ní gúsù.
Njẹ́ orí rẹ làá tí tu'pọ́n
inú rẹ ni tọmọdé tàgbà ti ń játùbú.
Kòṣémánìí ni ọ́ omi
Ìwọ gan-an ni kòríkòsùn àrin òru
Orí rẹ ni Olódùmarè tẹ́ ilé-ayé lé
Ẹni fojú di ọ́, olúwarẹ̀ kàbùkù.
Ṣé ìwọ lọ̀ ń bẹ nínú ìtọ̀, ìwọ lọ̀ ń bẹ nínú itọ́
ìwọ ni omijé ti inú ẹyinjú
Orí mi má mà jẹ́ n pàdánù omi
Kòsí oun tí ń gbani lọ́wọ́ omi àfi ikú.
Comments
Post a Comment